កីឡា ៖ Gianluigi Buffon អ្នកចាំទីដៃស្អិតអ៊ីតាលី បានលើកឡើងថា ក្រុមជម្រើសជាតិរបស់ខ្លួនកំពុងស្ថិតនៅក្នុងស្ថានភាពតានតឹងបំផុតក្នុងជំនួប Playoff ជើងទីពីរជាមួយស៊ុយអែត ដើម្បីជៀសផុតការជ្រុះចេញពីការប្រកួត World Cup នៅរុស្ស៊ីឆ្នាំក្រោយ។
អ៊ីតាលី បានប្រកួតចាញ់ស៊ុយអែត ក្នុងលទ្ធផល ១-០ កាលពីជើងទី១ ហើយឱកាសក្នុងការមានសំបុត្រយន្តហោះទៅរុស្ស៊ីឆ្នាំក្រោយ ហាក់ដូចជាមានភាពស្ដួចស្ដើងបំផុតជាលើកដំបូងក្នុងប្រវត្តិសាស្ត្របើគិតចាប់ពីឆ្នាំ១៩៥៨ មក។
ប៉ុន្តែប្រសិនបើពួកគេមិនអាចយកឈ្នះនៅកីឡដ្ឋាន San Siro ក្នុងជើងទីពីរ ជាមួយក្រុមស៊ុយអែត វេលាម៉ោង ២:៤៥ នាទីរំលងអាធ្រាត្រ ឈានចូលថ្ងៃទី១៤ វិច្ឆិកា ឆ្នាំ២០១៧ លើសពី២គ្រាប់នោះអ៊ីតាលីនឹងមានកៅអីមួយទៅWorld Cup នៅរុស្ស៊ីឆ្នាំក្រោយ ។
ជុំវិញបញ្ហានេះ Buffon បាននិយាយថា “វាគឺជាការប្រកួតដ៏សំខាន់មួយសម្រាប់យើងនិងជាប្រវត្តិសាស្ត្ររបស់យើង។”ខ្ញុំមានការព្រួយបារម្ភណាស់ ព្រោះវាជាពេលវេលាដ៏តានតឹងសម្រាប់ពួកយើង។
គួរបញ្ជាក់ថា អ្នកចាំទី Juventus វ័យ៣៩ ឆ្នាំរូបនេះ បានប្រកាស ថាខ្លួននិង ចូលនិវត្តន៍នៅចុងបញ្ចប់នៃរដូវកាលនេះ បន្ទាប់ពីបានបង្ហាញខ្លួនឲ្យក្រុមជម្រើសជាតិអ៊ីតាលីចំនួន១៧៥ ប្រកួតបូករួមទាំងពេលប៉ះនឹងស៊ុយអែត យប់នេះផងដែរ៕
0 comments:
Post a Comment