រាជធានីភ្នំពេញ ៖ យោងតាមសមត្ថកិច្ចបានថ្លែងអះអាងប្រាប់អ្នកសារព័ត៌មានថា នៅថ្ងៃទី១៣ ខែវិច្ឆិកានេះ សមត្ថកិច្ចបានឡោមព័ទ្ធចាប់បានជនសង្ស័យដែល បានធ្វើសកម្មភាពគប់គ្រាប់បែកចំនួន២គ្រាប់ និងបាញ់មកលើសមត្ថកិច្ចអាវុធហត្ថ បណ្តាលឲ្យរងរបួសមន្ត្រីកងរាជអាវុធហត្ថម្នាក់ បន្ទាប់ពីជនសង្ស័យបានរត់ពួន ក្នុងព្រៃអស់រយៈពេល១យប់ ១ថ្ងៃ ។
សូមជម្រាបថា កាលពីថ្ងៃទី១១ ខែវិច្ឆិកា ឆ្នាំ២០១៧ កម្លាំងអាវុធហត្ថខេត្តសៀមរាប សហការជាមួយកម្លាំងអាវុធហត្ថស្រុកអន្លង់វែង ខេត្តឧត្តរមានជ័យ ចុះអនវុត្តដីកា ដើម្បីចាប់ខ្លួនជនសង្ស័យម្នាក់ ឈ្មោះ ហ៊ាប ធី ភេទនប្រុស អាយុ៤៥ឆ្នាំ ពាក់ពន្ធ័ករណីឃាតកម្ម នៅខេត្តកណ្តាល ហើយជនសង្ស័យបានរត់គេចខ្លួន ។ ប៉ុន្តែក្នុងពេលដែលកម្លាំងសមត្ថកិច្ចកំពុងតាមប្រមាញ់ ប្រទះឃើញ ជនសង្ស័យនៅចំណុចភូមិ អូរតាម៉េង ឃុំអន្លង់វែង ស្រុកអន្លង់វែង។
យោងតាមការបញ្ជាក់ពីសមត្ថកិច្ច ខណដែលកំពុងពទ្ធ័ចាប់ក៏ត្រូវបានជនសង្សយ័គប់គ្រាប់បែកចំនួន២គ្រាប់ និងបាញ់មកលើសមត្ថកិច្ចអាវុធហត្ថ បណ្តាលឲ្យមន្ត្រីកងរាជអាវុធហត្ថខេត្តសៀមរាបម្នាក់ឈ្មោះ អ៊ុយ ចយ រងរបួសស្រាលត្រង់ជើង ។ ចំណែកជនសង្ស័យបានរត់គេចខ្លួនចូលក្នុងព្រៃបាត់ស្រមោល ៕
0 comments:
Post a Comment