អេស្ប៉ាញ ៖ អ្នកនាំពាក្យតុលាការបាននិយាយថា ប្រធានសភាកាតាឡានដែលត្រូវទម្លាក់តំណែងគឺត្រូវបានឃុំខ្លួនកាលពីថ្ងៃព្រហស្បតិ៍ពីបទជំរុញរកឯករាជ្យពីប្រទេសអេស្ប៉ាញដោយរង់ចាំការបង់ប្រាក់ធានានៅក្រៅឃុំចំនួន១៥០,០០០អឺរ៉ូ។
លោកស្រី Carme Forcadell និងសមាជិកចំនួន៥រូបផ្សេងទៀតបានបង្ហាញខ្លួននៅចំពោះមុខសាលាក្តីកំពូលរបស់ប្រទេសអេស្ប៉ាញពីបទនាំការបះបោរ ប្រឆាំងនិងការប្រើប្រាស់មូលនិធិសាធារណៈមិនត្រឹមត្រូវដើម្បីជួយដល់ការប៉ុនប៉ងបំបែកខ្លួនរបស់សភាកាតាឡាន។ ទោសនេះត្រូវជាប់ពន្ធនាគារច្រើនបំផុតរហូតដល់ទៅ៣០ឆ្នាំ។
ពួកគេត្រូវបានគេសង្ស័យថាបានធ្វើតាម “យុទ្ធសាស្ត្ររួមគ្នាដើម្បីប្រកាសឯករាជ្យ” មុនពេលការប្រកាសជាផ្លូវការនៅថ្ងៃទី២៧ខែតុលាដែលធ្វើឲ្យមានវិបត្តិនយោបាយដ៏ធ្ងន់ធ្ងរបំផុតរបស់ប្រទេសអេស្ប៉ាញនៅក្នុងរយៈពេលជាច្រើនទសវត្សចុងក្រោយនេះ។
ការប្រកាសនោះត្រូវបានទុកជាមោឃៈកាលពីថ្ងៃពុធដោយតុលាការធម្មនុញ្ញរបស់អេស្ប៉ាញ។
ចៅក្រមតុលាការកំពូលលោក Pablo Llarena បានបញ្ជាឲ្យដោះលែងសមាជិកសភាកាតាឡានម្នាក់ប៉ុន្តែបួននាក់ផ្សេងទៀតក្រៅពី Forcadell ត្រូវបង់ប្រាក់ចំនួន២៥,០០០អឺរ៉ូក្នុងសប្តាហ៍នេះដើម្បីគេចពីការជាប់ពន្ធនាគារ។
ចៅក្រមតុលាការកំពូលលោក Pablo Llarena បានបញ្ជាឲ្យដោះលែងសមាជិកសភាកាតាឡានម្នាក់ប៉ុន្តែបួននាក់ផ្សេងទៀតក្រៅពី Forcadell ត្រូវបង់ប្រាក់ចំនួន២៥,០០០អឺរ៉ូក្នុងសប្តាហ៍នេះដើម្បីគេចពីការជាប់ពន្ធនាគារ។
កាលពីថ្ងៃពុធ កូដកម្មមួយដែលត្រូវបានអំពាវនាវនៅកាតាឡានដោយសហភាពគាំទ្រឯករាជ្យបានបង្កឲ្យមានភាពវឹកវរចលាចលដល់ការធ្វើដំណើរ កាត់ផ្តាច់ផ្លូវហាយវ៉េដ៏សំខាន់របស់អេស្ប៉ាញទៅកាន់ប្រទេសបារាំងនិងអឺរ៉ុបហើយរំខានរថភ្លើងពីទីក្រុងបាសេឡូណាទៅទីក្រុងប៉ារីស ម៉ាសីនិងលីយ៉ុង។អាជ្ញាធរបាននិយាយថា មនុស្សប្រហែល១៥០,០០០នាក់ត្រូវបានរងផលប៉ះពាល់។
ដោយមានការជំរុញពីបុគ្គលឈានមុខលោក Carles Puigdemont, មេដឹកនាំកាតាឡានបានបោះឆ្នោតប្រកាសឯករាជ្យភាពជាឯកតោភាគីពីប្រទេសអេស្ប៉ាញបន្ទាប់ពីការធ្វើប្រជាមតិមួយដែលត្រូវបានហាមឃាត់កាលពីថ្ងៃទី១ខែតុលា។
ជាការឆ្លើយតប រដ្ឋាភិបាលរបស់លោកនាយករដ្ឋមន្ត្រី Mariano Rajoy បានដកហូតសិទ្ធិស្វ័យកាតាឡាន រំលាយរដ្ឋសភានិងរដ្ឋាភិបាលរបស់ខ្លួនហើយបានរៀបចំការបោះឆ្នោតថ្នាក់តំបន់ថ្មីនៅថ្ងៃទី២១ខែធ្នូ៕
0 comments:
Post a Comment