ការប្រើប្រាស់ថ្នាំអាស្ពៀរីន (Aspirin) បានច្រើនវិធី និងគួរឲ្យភ្ញាក់ផ្អើល ដែលអ្នកមិនដែលដឹងពីមុនមក

សម្រស់៖  តើអ្នកធ្លាប់ឆ្ងល់ទេថាថ្នាំអាស្ពៀរីន អាចប្រើបានសម្រាប់អ្វីផ្សេងទៀតក្រៅពីបំបាត់ការឈឺចាប់ និងបំបាត់អាការគ្រុនក្តៅ? ពិតមែនហើយបើមិនមានវេជ្ជបញ្ជានៃការប្រើប្រាស់ថ្នាំត្រឹមត្រូវ តើនរណាដឹងទៅថាប្រើបានសម្រាប់ព្យាបាលអ្វីខ្លះនោះ។

ចំនុចទាំងនេះនឹងធ្វើឲ្យអ្នកភ្ញាក់ផ្អើលមិនខាន ចំពោះការប្រើប្រាស់ដូចខាងក្រោម៖

• ជួយសម្រាលពីការត្រូវសត្វល្អិតខាំ

ថ្នាំអាស្ពៀរីនជួយបន្ថយការរមាស់ និងហើមដែលបណ្តាលមកពីមូសខាំ។

វិធីប្រើ៖ លាយថ្នាំអាស្ពៀរីនជាមួយទឹកសើមៗនៅក្នុងស្លាបព្រាបាយ ហើយយកលាបនៅត្រង់កន្លែងដែលហើម ឬមូសខាំនោះ ២ទៅ៣នាទី។

រូបភាពតំណាង

• កាត់បន្ថយស្នាមខ្មៅលើស្បែក

ថ្នាំអាស្ពៀរីនត្រូវបានគេប្រើជាធាតុផ្សំនៅក្នុងការផលិតឡេលាបខ្លួន ឬសាប៊ូសម្អាតស្បែកផងដែរ។

វិធីប្រើ៖ លាយថ្នាំអាស្ពៀរីន ៧គ្រាប់(ចាក់យកតែថ្នាំខាងក្នុង) យ៉ាអ៊ួ ៣ស្លាបព្រាបាយ និងទឹកឃ្មុំ១ស្លាបព្រា ហើយលាបលើមុខដែលលាងស្អាត។ ទុករយៈពេល១៥នាទីលាងទឹកចេញឲ្យបានស្អាត។ ធ្វើដូចនេះជួយឲ្យស្បែករបស់អ្នករលោង និងជួយកាត់បន្ថយស្នាមរបួស ស្នាមអុចខ្មៅ និងការពារពីការស្ទះរន្ធញើស។ 

រូបភាពតំណាង

• អាចធ្វើជាផលិតផលសម្រាប់សម្លាប់កោសិកាចាស់

វាជួយកម្ចាត់ជាតិខ្លាញ់ហួសប្រមាណ និងជួយបង្រួមរន្ធញើស។

វិធីប្រើ៖ អ្នកគ្រាន់តែលាយវាក្នុងបរិមាណល្មមជាមួយទឹក ហើយលាបនៅលើផ្ទៃមុខទុករយៈពេល ២ទៅ៣នាទីសម្អាតមុខចេញជាការស្រេច។ ប្រសិនជាអ្នកមានស្បែកមុខងាយប្រតិកម្ម ឬងាយរបកសូមលាបដោយប្រុងប្រយ័ត្ន។

• លប់បំបាត់ស្បែកក្រិននៅលើជើង

វាអាចជួយឲ្យជើងរបស់អ្នកទន់ និងបំបាត់ស្បែកចាស់ចោលបានយ៉ាងងាយ។ ដំបូងត្រូវបំបែកថ្នាំអាស្ពៀរីន៧គ្រាប់ ដាក់លាយជាមួយទឹកក្រូចឆ្មារសំបកលឿងកន្លះស្លាបព្រាបាយ ដើម្បីឲ្យវាមានសភាពស្អិត។ បន្ទាប់មកលាបវានៅលើបាតជើងហើយយកកន្សែងគ្របវាទុករយៈពេល១០នាទី ហើយសម្អាតវាដោយប្រើថ្មខាត់ (Pumice)។ 

ធ្វើអោយជើងទន់រលោង និងកម្ចាត់ស្បែកចាស់

• ជួយព្យាបាលសក់ខូច

អ្នកនឹងទទួលបានអត្ថប្រយោជន៍ពីថ្នាំអាស្ពៀរីន ដោយរំលាយវានៅក្នុងពែងទឹកក្តៅល្មមរួចលាបវាលើសក់ (សម្អាតស្អាត) ហើយទុករយៈពេល ១៥នាទីបន្ទាប់់មកលាងជម្រះឲ្យបានស្អាតជាការស្រេច។

បំបាត់បញ្ហាសក់ខូច

• បំបាត់ស្នាមញើសដែលប្រឡាក់ជាប់សម្លៀកបំពាក់

ដំបូងយកថ្នាំអាស្ពៀរីន រំលាយក្នុងទឹកក្តៅល្មមដោយត្រាំសំលៀកបំពាក់ដែលមានស្នាមញើសទុកចោលមួយយប់ រួចលាងសម្អាតចេញជាធម្មតា។

កម្ចាត់ស្នាមញើស

• បំបាត់កំណកសាប៊ូនៅក្នុងអាងទឹក

បំបាត់យ៉ាងងាយដោយគ្រាន់តែកិនថ្នាំអាស្ពៀរីន ៥គា្រប់បន្ថែមជាមួយនឹងទឹកលាងបន្ទប់ទឹក ហើយបាញ់វាលើផ្ទៃទាំងមូលទុករយៈពេលកន្លះម៉ោង បន្ទាប់មកអ្នកលាងសម្អាតភាពកង្វក់ចេញទាំងអស់បានយ៉ាងងាយ។ 

កម្ចាត់កំណសាប៊ូ

• ធ្វើឲ្យផ្កាមានជីវិតយូរ

ជួយធ្វើឲ្យផ្កាដែលកាត់មកនៅតែស្រស់ និងស្អាតល្អ ដោយគ្រាន់តែដាក់ថ្នាំអាស្ពៀរីនទៅក្នុងទឹក។ វិធីនេះពិសេសសម្រាប់ផ្កាកុលាបដែលធ្វើឲ្យពួកវារស់បានយូរ។ 

រក្សាផ្កាអោយបានយូរ និងស្រស់ល្អ

• កម្ចាត់អង្គែនៅលើស្បែកក្បាល

ដើម្បីកម្ចាត់អង្គែស្បែកក្បាលគ្រាន់តែយកថ្នាំអាស្ពៀរីន ២គ្រាប់(យកតែកំទេចថ្នាំ) លាយជាមួយសាប៊ូកក់សក់រួចធ្វើការកក់សក់ធម្មតា។ 

កាត់បន្ថយអង្គែស្បែកក្បាល

• ជួយកាត់បន្ថយមុន

ថ្នាំអាស្ពៀរីនជួយកាត់បន្ថយការកើតមុនបាន ហើយវិធីប្រើនោះគឺយកថ្នាំអាស្ពៀរីន ២ទៅ៣គ្រាប់(យកតែកំទេចថ្នាំ) ដាក់លាយជាមួយទឹកក្រូចឆ្មារសម្បកលឿង (រកទិញបានតាមផ្សារទំនើប) ហើយលាបវានៅលើមុខ រួចទុករយៈពេល២នាទីមុនពេលលាងសម្អាតចេញជាការស្រេច។ ចៀសវាងការប្រើបា្រស់វិធីនេះមុនពេលចេញទៅត្រូវកម្តៅថ្ងៃ។

ចំណាំ៖ ដោយសារមនុស្សយើងមានប្រភេទស្បែកមុខខុសៗពីគ្នា ហេតុនេះសូមទៅពិគ្រោះ ឬពិនិត្យស្បែកមុខជាមួយអ្នកជំនាញស្បែកមុខ នៅមុនពេលអនុវត្តន៍វិធីទាំងអស់នេះ៕

ដោះស្រាយបញ្ហាមុខមុន