ជប៉ុន ៖ ប្រភពពីរបាននិយាយថា ប្រទេសជប៉ុននឹងសាងសង់ស្ថានីយ៍រ៉ាដាឆ្មាំឆ្នេរសមុទ្រចំនួន៤នៅសមុទ្រ Sulu Celebes ដែលពុះចែកប្រទេសហ្វីលីពីននិងឥណ្ឌូនេស៊ីដើម្បីជួយដល់ទីក្រុងម៉ានីលប្រឆាំងនឹងការកើនឡើងនៃការលួចប្លន់តាមសមុទ្រដោយក្រុមបះបោរឥស្លាម។
ប្រភពនេះបាននិយាយថា កិច្ចព្រមព្រៀងមួយដើម្បីផ្តល់មូលនិធិនិងផ្តល់ការបណ្តុះបណ្តាលដល់បុគ្គលិកឆ្មាំឆ្នេរសមុទ្រក្នុងតំបន់គឺអាចត្រូវបានចុះហត្ថលេខានៅដើមសប្តាហ៍ក្រោយដោយនាយករដ្ឋមន្ត្រីជប៉ុននិងប្រធានាធិបតីហ្វីលីពីនលោក Rodrigo Duterte ក្នុងទីក្រុងម៉ានីល។
មនុស្សម្នាក់ដែលដឹងអំពីផែនការនេះបាននិយាយថា “សមុទ្រនៅក្នុងតំបន់នោះគឺជាផ្លូវទឹកដ៏សំខាន់សម្រាប់នាវាពាណិជ្ជកម្មដែលធ្វើដំណើរទៅកាន់កំពង់ផែជប៉ុន”។ ប្រភពនេះបានស្នើសុំមិនបញ្ចេញឈ្មោះពីព្រោះពួកគេមិនត្រូវបានអនុញ្ញាតឲ្យនិយាយជាមួយប្រព័ន្ធផ្សព្វផ្សាយ។
យោងតាមកិច្ចព្រមព្រៀងសហប្រតិបត្តិការក្នុងតំបន់ស្តីពីការប្រយុទ្ធប្រឆាំងនឹងការលួចប្លន់តាមសមុទ្រនិងការលួចប្រដាប់អាវុធប្រឆាំងនឹងនាវានៅទ្វីបអាស៊ី (ReCAAP) បានឲ្យដឹងថា ក្នុងចំណោមការលួចប្លន់តាមសមុទ្រចំនួន៣០ករណីនៅពាក់កណ្តាលឆ្នាំ២០១៧នេះ, មានប្រាំមួយករណីពាក់ព័ន្ធនឹងការប្រើប្រាស់កាំភ្លើងដែលក្នុងនោះមាននាវិក៣នាក់ត្រូវបានចាប់ខ្លួនពីនាវាដែលកំពុងដំណើរការនៅសមុទ្រ Sulu Celebes ។ ការប៉ុនប៉ងចាប់ជម្រិតបួនលើកនៅក្នុងដែនទឹកនេះក៏ត្រូវបានគេចុះបញ្ជីផងដែរ។
ប្រភពបាននិយាយថា ប្រទេសជប៉ុននឹងផ្តល់មូលនិធិសម្រាប់ការសាងសង់ស្ថានីយ៍រ៉ាដាតាមរយៈកញ្ចប់ថវិកាជំនួយអភិវឌ្ឍន៍ក្រៅប្រទេស (ODA) របស់ខ្លួន។
មន្ត្រីម្នាក់នៅក្រសួងការបរទេសជប៉ុនដែលមើលការខុសត្រូវការចំណាយថវិការបស់ ODA នៅក្រៅប្រទេសបាននិយាយថា “ជប៉ុនដឹងពីតម្រូវការដើម្បីប្រឆាំងនឹងអំពើចោរកម្មតាមសមុទ្រនៅក្នុងតំបន់ហើយមានបំណងជួយប៉ុន្តែយើងមិនអាចពិភាក្សាគម្រោងនីមួយៗបានទេ”។
មន្ត្រីម្នាក់នៅក្រសួងការបរទេសជប៉ុនដែលមើលការខុសត្រូវការចំណាយថវិការបស់ ODA នៅក្រៅប្រទេសបាននិយាយថា “ជប៉ុនដឹងពីតម្រូវការដើម្បីប្រឆាំងនឹងអំពើចោរកម្មតាមសមុទ្រនៅក្នុងតំបន់ហើយមានបំណងជួយប៉ុន្តែយើងមិនអាចពិភាក្សាគម្រោងនីមួយៗបានទេ”។
គួរបញ្ជាក់ថា ស្ថានីយ៍រ៉ាដានេះគឺជាផ្នែកមួយនៃកញ្ចប់ជំនួយធំៗដែលរួមមានផ្នែកឧទ្ធម្ភាគចក្រសម្រាប់យោធាហ្វីលីពីន ការផ្តល់ហិរញ្ញប្បទានសម្រាប់គម្រោងហេដ្ឋារចនាសម្ព័ន្ធដូចជាផ្លូវដែកនិងជួយកសាងឡើងវិញនូវទីក្រុងម៉ារ៉ាវីភាគខាងត្បូងដែលបានហែកហួរដោយជម្លោះបន្ទាប់ពីប្រតិបត្តិការយោធារយៈពេលប្រាំខែប្រឆាំងនឹងពួកឧទ្ទាមរដ្ឋឥស្លាម៕
0 comments:
Post a Comment